كورس تعليم الجرافيك

تعرف إيه عن الجرافيك ديزاين؟ يعتبر الجرافيك ديزاين من أهم المجالات الموجودة حاليا في سوق العمل في أنحاء العالم. وهو بإختصار تحويل الفكرة لشيء مرئي بهدف توصيل رسالة أو حل مشكلة بإستخدام أدوات معينة زي برنامج الفوتوشوب، ودا معناه إنك محتاج حاجتين:

يكون عندك فكرة أو رسالة معينة عايز توصلها.

وتقدر تستخدم الأدوات والبرامج اللي هتساعدك على تنفيذ الفكرة.

ودي بتنقسم لحاجتين:

المبادئ النظرية للتصميم زي المنظور والنسبة والألوان.. وغيرهم.

البرامج المستخدمة في التصميم زي الفوتوشوب والاليستريتور، وتعرف تستخدم كل برنامج إمتى وازاي.

وكل دا بيحتاج إنه يكون عندك مجموعة مهارات زي مثلاً:

التواصل: عشان تقدر تتواصل مع أصحاب الأعمال وتاخد منهم الفكرة اللي عايزين يوصلوها.

التحليل: إنك تحلل الفكرة وتعرف العناصر الخاصة بيها، وإيه الرسالة المطلوب توصيلها وإزاي تقدر توصلها بأفضل طريقة.

التنفيذ: تشتغل على برامج التصميم المطلوب بإسلوب احترافي، وتستخدم كل أداة بطريقة مناسبة وسريعة.

البحث: عشان تبحث عن الأفكار المتميزة، وتعمل تغذية بصرية وتطلع فكرة جديدة مبتكرة ومبدعة.

إدارة الوقت: السرعة والدقة من أهم مهارات مصمم الجرافيك، لأنه بيقدر يشتغل على أكتر من مشروع في وقت قصير، وده بيعلي إنتاجيته وبيزود راتبه.

طيب ليه ممكن تبدأ في مجال تصميم الجرافيك؟!

مش بيحتاج شهادة معينة ولا عمر معين.

سهل وسريع في التعلم.

المقابل المادي فيه مرتفع ومجزي.

فيه تخصصات كتير متنوعة ومطلوبة.

ممكن تشتغل من بيتك لأي مكان في العالم.

كدا إنت عرفت نظرة سريعة عن مجال الجرافيك ديزاين!

قولنا في تعليق عايز تدخل مجال الجرافيك ديزاين ليه؟

في إطار مبادرة رئيس الجمهورية للتنمية البشرية: “بداية”، بادر بحجز مكانك في دبلومة الجرافيك التي يقدمها مركز التدريب بمكتبة مصر العامة.

قيمة دبلومة الجرافيك: 350 جنيه

العنوان: مكتبة مصر العامة الرئيسية

4 شارع جمال حمدان متفرع من شارع الطحاوية، بجوار مبني السفارة السعودية، الدقي، الجيزة.

للحجز والاستعلام:

التليفون: 33360291 – 33360293 داخلي (125)

الموبايل: 01224988218